‘ਸਰਦਾਰ ਪੰਛੀ‘ ਨੇ ਪੰਜਾਬੀ ਜਗਤ ਤੋਂ ਮਾਫ਼ੀ ਮੰਗੀ

ਮੈਂ ਉਰਦੂ, ਹਿੰਦੀ ਸਾਹਿਤ  ਵੱਲ ਤੁਰਨ ਤੋਂ ਪਹਿਲਾਂ ਪੰਜਾਬੀ ਲੇਖਕ ਹੀ ਸਾਂ : ਪੰਛੀ

ਲੁਧਿਆਣਾ : ਉਰਦੂ ਤੇ ਹਿੰਦੀ ਦੇ ਸ਼ਾਇਰ ‘ਸਰਦਾਰ ਪੰਛੀ’ ਨੇ ਪੰਜਾਬੀਆਂ ਤੋਂ ਮਾਫ਼ੀ ਮੰਗੀ ਹੈ ਤੇ ਕਿਹਾ ਹੈ ਕਿ ਉਹ ਉਰਦੂ ਤੇ ਹਿੰਦੀ ਸਾਹਿਤ ਵੱਲ ਤੁਰਨ ਤੋਂ ਪਹਿਲਾਂ ਪੰਜਾਬੀ ਲੇਖਕ ਹੀ ਸੀ।
ਉਸ ਵੱਲੋਂ ਪੰਜਾਬੀ ਵਿਚ ਹੱਥ ਲਿਖਤ ਮਾਫ਼ੀ ਪੱਤਰ ਵਿਚ ਲਿਖਿਆ ਹੈ ਕਿ 13 ਸਤੰਬਰ 2019 ਨੂੰ ਭਾਸ਼ਾ ਭਵਨ ਪਟਿਆਲਾ ਵਿਖੇ ਭਾਸ਼ਾ ਵਿਭਾਗ ਵੱਲੋਂ ਹਿੰਦੀ ਦਿਵਸ ਮੌਕੇ ਮੇਰੇ ਵੱਲੋਂ ਬੋਲੇ ਕੁਝ ਸ਼ਬਦਾਂ ਨੂੰ ਸੁਣ ਕੇ ਮੇਰੇ ਕੁਝ ਪੰਜਾਬੀ ਲੇਖਕ ਦੋਸਤਾਂ ਦੇ ਮਨਾਂ ਨੂੰ ਠੇਸ ਪੁੱਜੀ ਹੈ, ਜਿਸ ਦਾ ਮੈਨੂੰ ਅਫ਼ਸੋਸ ਹੈ। ਉਰਦੂ ਹਿੰਦੀ ਸਾਹਿੱਤ ਵੱਲ ਤੁਰਨ ਤੋਂ ਪਹਿਲਾਂ ਮੈਂ ਪੰਜਾਬੀ ਲੇਖਕ ਹੀ ਸਾਂ ਅਤੇ ਪੰਜਾਬੀ ਦੀ ਸ਼ਕਤੀ, ਸਮਰਥਾ, ਸੰਵੇਦਨਾ ਅਤੇ ਸੰਚਾਰ ਯੋਗਤਾ ਦਾ ਮੈਂ ਬਚਪਨ ਤੋਂ ਹੀ ਕਾਇਲ ਹਾਂ,। ਭਿੱਖੀ ਵਿਰਕਾਂ (ਸੇਖਪੁਰਾ, ਪਾਸਿਤਾਨ) ਵਿਖੇਂ ਜਨਮ ਲੈਣ ਤੋਂ ਲੈਕੇ ਅੱਜ ਤੀਕ ਇਸ ਭਾਸ਼ਾ ਦੇ ਲੇਖਕਾਂ, ਸੰਸਥਾਵਾਂ ਅਤੇ ਅਦਾਰਿਆਂ ਵਿਚ ਮੇਰੀ ਪਛਾਣ ਪੰਜਾਬੀ ਨੇ ਹੀ ਕਰਵਾਈ ਹੈ।
ਮੈਂ ਪੰਜਾਬੀ ਮਾਂ ਬੋਲੀ ਦੇ ਲੇਖਕਾਂ, ਸੰਸਥਾਵਾਂ ਦਾ ਮਰਦੇ ਦਮ ਤਕ ਦੇਣਦਾਰ ਰਹਾਂ ਗਾ। 13 ਸਤੰਬਰ ਨੂੰ ਪਟਿਆਲਾ ਵਿਚ ਮੇਰੇ ਬੋਲਾਂ ਨਾਲ ਜੇਕਰ ਪੰਜਾਬ ਪਿਆਰਿਆਂ ਦੇ ਦਿਲਾਂ ਨੂੰ ਠੇਸ ਪੁੱਜੀ ਹੈ ਤਾਂ ਮੈਂ ਇਸ ਲਈ ਸਭ ਸੱਜਣਾ ਤੋ ਖਿਮਾ ਦਾ ਜਾਚਕ ਹਾਂ।
ਮੇਰੀ ਜਾਤ ਸੰਬੰਧੀ ਕੌੜਾ ਕਸੈਲਾ ਲਿਖਣ ਵਾਲੇ ਵੀਰਾਂ ਨੂੰ ਮੇਰੀ ਬੇਨਤੀ ਹੈ ਕਿ ਉਹ ਤਲਖੀ ਵਿਚ ਮੇਰੀ ਉਮਰ, ਸਿਹਤ, ਅਤੇਪੰਜਾਬੀ ਵਿਚ ਕੀਤੇ ਕੰਮ ਨੂੰ ਜਰੂਰ ਧਿਆਨ ਗੋਚਰੇ ਕਰਨ।
ਇਸ ਵਿਵਾਦ ਨੂੰ ਹੋਰ ਅੱਗੇ ਨਾ ਵਧਾਇਆ ਜਾਵੇ, ਮੇਰੀ ਸਨਿਮਰ ਗੁਜ਼ਾਰਸ ਹੈ।
ਜ਼ਿਕਰਯੋਗ ਹੈ ਕਿ ਸਰਦਾਰ ਪੰਛੀ ਨੇ 13 ਅਕਤੂਬਰ ਨੂੰ ਆਪਣੀ ਕਵਿਤਾ ਵਿਚ ਪੰਜਾਬੀਆਂ ਨੂੰ ਝਗੜਾਲੂ ਤੇ ਲੜਾਈ ਕਰਨ ਵਾਲੇ ਦਸਿਆ ਸੀ। ਇੱਕ ਹੋਰ ਗੱਲ ਹੋ ਇਸ ਪੰਛੀ ਨੇ ਕਹੀ ਉਹ ਬਹੁਤ ਹੀ ਭੈੜੀ ਲੱਗੀ ।ਉਸ ਨੇ ਕਿਹਾ ਕਿ ਮੇਰੀ ਨਿਗਾਹ ਘੱਟ ਕਰਕੇ ਦੂਰ ਬੈਠੀਆਂ ਬੀਬੀਆਂ ਆਪਣੀ ਬੀਵੀ ਲੱਗਦੀਆਂ ਹਨ । ਉਸ ਵੇਲੇ ਪਿੱਛੇ ਬੈਠੀਆਂ ਬੀਬੀਆਂ ਵਿੱਚ ਕੁਝ ਛੋਟੀ ਉਮਰ ਦੀਆਂ ਬੱਚੀਆਂ ਵੀ ਸਨ । ਇਸ ਗੱਲ ਦਾ ਬਹੁਤ ਸਾਰੇ ਪੰਜਾਬੀ ਲੇਖਕਾਂ ਨੇ ਬੁਰਾ ਮਨਾਇਆ ਸੀ ਤੇ ਪੰਜਾਬੀ ਲੇਖਕ ਸਭਾ ਸੇਖੋਂ ਦੇ ਪ੍ਰਧਾਨ ਡਾ. ਤੇਜਵੰਤ ਮਾਨ ਨੇ ਸਟੇਜ਼ ਤੋਂ ਬੋਲਦਿਆਂ ਪੰਜਾਬੀ ਪ੍ਰਤੀ ਕਈ ਨੁਕਤੇ ਸਪਸ਼ਟ ਕੀਤੇ ਸਨ ਜੋ ਇਸ ਬਲਾਗ ਵਿਚ ਪਹਿਲਾਂ ਹੀ ਲਿਖੇ ਜਾ ਚੁੱਕੇ ਹਨ।