ਮਾਤ ਭਾਸ਼ਾਵਾਂ ਨੂੰ ਖਤਮ ਕਰਨ ਲਈ ਤਿਆਰ ਹੋਈ ਭਾਜਪਾ ਸਰਕਾਰ

ਸਾਹ, ਸੁਲਤਾਨ ਤੇ ਸਮਰਾਟ ਮਾਤ ਭਾਸ਼ਾਵਾਂ ਨੂੰ ਖਤਮ ਨਹੀਂ ਕਰ ਸਕਦੇ : ਕਮਲ ਹਸਨ

ਮੇਰਾ ਸਰਦਾਰ ਪੰਛੀ ਨੂੰ ਹੁਣ ‘ਸਰਦਾਰ’ ਕਹਿਣ ਨੂੰ ਦਿਲ ਨਹੀਂ ਕਰਦਾ : ਗੁਰਚਰਨ ਸਿੰਘ ਪੱਬਾਰਾਲੀ

ਗੁਰਨਾਮ ਸਿੰਘ ਅਕੀਦਾ

ਅਮਿਤ ਸ਼ਾਹ ਵਲੋਂ ਭਾਰਤ ਵਿਚ ਹਿੰਦੀ ਨੂੰ ਰਾਸਟਰ ਭਾਸ਼ਾ ਬਣਾਉਣ ਦੀ ਗੱਲ ਕਰਨ ਤੋਂ ਬਾਅਦ ਇਕ ਤਰ੍ਹਾਂ ਨਾਲ ਭਾਰਤ ਵਿਚ ਹੜਕੰਪ ਜਿਹਾ ਮੱਚ ਗਿਆ ਹੈ, ਹਰੇਕ ਸੂਬੇ ਨੂੰ ਆਪੋ ਆਪਣੀ ਮਾਂ ਬੋਲੀ ਦਾ ਫਿਕਰ ਪੈ ਗਿਆ ਹੈ। ਕਮਲ ਹਸਨ ਵਰਗੇ ਵੱਡੇ ਫਿਲਮੀ ਸਟਾਰ ਤੇ ਸਿਆਸਤਦਾਨ ਕਹਿ ਰਹੇ ਹਨ ਕਿ ਸਾਡੀ ਮਾਂ ਬੋਲੀ ਤਮਿਲ ਨੂੰ ਕੋਈ ਵੀ ਠੇਸ ਨਹੀਂ ਪਹੁੰਚਾ ਸਕਦਾ, ਅਸੀਂ ਰਾਸਟਰ ਗਾਨ ਵੀ ਆਪਣੀ ਤਮਿਲ ਵਿਚ ਗਾਂਦੇ ਹਾਂ ਤਾਂ ਸਾਨੂੰ ਮਾਣ ਮਹਿਸੂਸ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ 1950 ਵਿਚ ਦੇਸ਼ ਵਾਸੀਆਂ ਨਾਲ ਵਾਅਦਾ ਕੀਤਾ ਗਿਆ  ਸੀ ਕਿ ਭਾਰਤ ਦੇ ਹਰੇਕ ਨਾਗਰਿਕ ਦੀ ਹਰੇਕ ਖੇਤਰ ਦੀ ਭਾਸ਼ਾ ਤੇ ਸਭਿਆਚਾਰ ਦੀ ਰੱਖਿਆ ਕੀਤੀ ਜਾਵੇਗੀ ਅਤੇ ਸਾਹ, ਸੁਲਤਾਨ ਤੇ ਸਮਰਾਟ ਇਸ ਵਾਅਦੇ ਨੂੰ ਅਚਾਨਕ ਖਤਮ ਨਹੀਂ ਕਰ ਸਕਦਾ। ਕਈ ਰਾਜਿਆਂ ਨੇ ਭਾਰਤ ਨੂੰ ਸੰਘ ਬਣਾਉਣ ਲਈ ਆਪਣਾ ਰਾਜਪਾਠ ਛੱਡ ਦਿੱਤਾ ਪਰ ਸਾਡੇ ਦੇਸ਼ ਵਾਸੀਆਂ ਨੇ ਆਪਣੀ ਭਾਸ਼ਾ ਨਹੀਂ ਛੱਡੀ, ਰਾਸਟਰ ਗਾਨ ਲਿਖਣ ਵਾਲੇ ਲੇਖਕ ਨੇ ਰਾਸਟਰ ਗਾਨ ਵਿਚ ਸਾਰੀਆਂ ਭਾਸ਼ਾਵਾਂ ਦਾ ਮਾਣ ਸਤਿਕਾਰ ਰੱਖਿਆ ਹੈ ਇਸ ਕਰਕੇ ਉਹ ਰਾਸਟਰ ਗਾਨ ਬਣ ਗਿਆ, ਜਿਸ ਨੂੰ ਬੰਗਾਲੀ, ਤਮਿਲ ਤੇ ਹੋਰ ਭਾਸ਼ਾਵਾਂ ਵਾਲੇ ਮਾਣ ਨਾਲ ਗਾਉਂਦੇ ਹਨ। ਉਸ ਨੇ ਕਿਹਾ ਕਿ ਤਮਿਲ ਨੂੰ ਹਮੇਸ਼ਾਂ ਜਿੰਦਾ ਰਹਿਣ ਦਿਓ ਤੇ ਦੇਸ਼ ਨੂੰ ਮਹਾਨ ਬਣਾਓ। ਇਸੇ ਤਰ੍ਹਾਂ ਦ੍ਰਮੁਕ ਮੁਖੀ ਐਮ ਕੇ ਸਟਾਲਿਨ ਨੇ ਕਿਹਾ ਹੈ ਕਿ 20 ਸਤੰਬਰ ਤੋਂ ਉਹ ਅਮਿੱਤ ਸ਼ਾਹ ਵਲੋਂ ਦਿੱਤੇ ਬਿਆਨ ਵਿਰੁੱਧ ਸੰਘਰਸ਼ ਕਰਨਗੇ। ਇਸ ਦੇ ਨਾਲ ਹੀ ਕੇਰਲ, ਕਰਨਾਟਕ, ਬੰਗਾਲ ਆਦਿ ਸੂਬ‌ਿਆਂ ਵਿਚੋਂ ਅਮਿੱਤ ਸ਼ਾਹ ਦੇ ਬਿਆਨ ਦਾ ਵਿਰੋਧ ਆਇਆ ਹੈ। ਬਾਕੀ ਸੂਬੇ ਅਜੇ ਚੁਪ ਚਾਪ ਮਾਹੌਲ ਦੇਖ ਰਹੇ ਹਨ। 

https://twitter.com/i/status/1173499856255508480 

ਮੇਰਾ ਸਰਦਾਰ ਪੰਛੀ ਨੂੰ ਹੁਣ ‘ਸਰਦਾਰ’ਕਹਿਣ ਨੂੰ ਦਿਲ ਨਹੀਂ ਕਰਦਾ : ਗੁਰਚਰਨ ਸਿੰਘ ਪੱਬਾਰਾਲੀ

ਸੁਭਾ -ਸੁਭਾ ਦਿਲ ਕੀਤਾ ਕਿ ਆਪ ਸਭ ਪਿਆਰਿਆਂ ਨਾਲ ਇੱਕ ਗੱਲ ਸਾਂਝੀ ਕੀਤੀ ਜਾਵੇ। ਭਾਸ਼ਾ ਵਿਭਾਗ ਪੰਜਾਬ ਵੱਲੋਂ ਮਿਤੀ

13/1019 ਨੂੰ ਹਿੰਦੀ ਦਿਵਸ ਦੇ ਸਬੰਧ ਵਿੱਚ ਸਮਾਗਮ ਕਰਵਾਇਆ ਗਿਆ ਜਿਸ ਵਿੱਚ ਵੱਖ-ਵੱਖ ਥਾਵਾਂ ਤੋਂ ਕਵੀ ਵੀ ਬੁਲਾਏ ਗਏ ਸਨ। ਲੁਧਿਆਣਾ ਤੋਂ ਆਏ ਬਜ਼ੁਰਗ ਕਵੀ 'ਪੰਛੀ' ਜਿਸ ਅੱਗੇ ਮੇਰਾ ਹੁਣ ਸਰਦਾਰ ਲਾਉਣ ਨੂੰ ਦਿਲ ਨਹੀਂ ਕਰਦਾ ਵੀ ਆਏ ਸਨ ।ਉਹਨਾ ਨੇ ਆਪਣੇ ਇੱਕ ਗੀਤ ਦਾ ਬੰਦ ਸੁਣਾਇਆ ਜਿਸ ਵਿੱਚ ਪੰਜਾਬੀ ਭਾਸ਼ਾ ਨੂੰ ਰਗੜੇ-ਝਗੜੇ ਵਾਲੀ ਭਾਸ਼ਾ ਕਿਹਾ , ਇੱਕ ਹੋਰ ਗੱਲ ਹੋ ਇਸ ਪੰਛੀ ਨੇ ਕਹੀ ਉਹ ਬਹੁਤ ਹੀ ਭੈੜੀ ਲੱਗੀ ।ਉਸ ਨੇ ਕਿਹਾ ਕਿ ਮੇਰੀ ਨਿਗਾਹ ਘੱਟ ਕਰਕੇ ਦੂਰ ਬੈਠੀਆਂ ਬੀਬੀਆਂ ਆਪਣੀ ਬੀਵੀ ਲੱਗਦੀਆਂ ਹਨ । ਮੈਂ ਹਾਲ ਵਿੱਚ ਪਿੱਛੇ ਨਿਗਾਹ ਮਾਰੀ ਤਾਂ ਪਿੱਛੇ ਬੈਠੀਆਂ ਬੀਬੀਆਂ ਵਿੱਚ ਕੁਝ ਛੋਟੀ ਉਮਰ ਦੀਆਂ ਬੱਚੀਆਂ ਵੀ ਸਨ ।ਇਸ ਪੰਛੀ ਦੀ ਇਸ ਹਰਕਤ ਕਰਕੇ ਬਾਅਦ ਵਿੱਚ ਮੰਚ ਉੱਤੇ ਕਾਫ਼ੀ ਬਖੇੜਾ ਖੜਾ ਹੋਇਆ। ਮੈਂ ਮਹਿਸੂਸ ਕਰਦਾ ਹਾਂ ਕਿ ਜਿਸ ਪੰਜਾਬੀ ਜੋ ਸਿਰ 'ਤੇ ਪੱਗ ਵੀ ਬੰਨ੍ਹਦਾ ਹੈ,ਉਸ ਦੀ ਉਮਰ ਵੀ ਸ਼ਾਇਦ 85 ਸਾਲ ਦੇ ਕਰੀਬ ਹੋਵੇ ,ਦੇ ਉਸ ਨੂੰ ਆਪਣੀ ਮਾਂ ਬੋਲੀ ਨਾਲ ਪਿਆਰ ਨਹੀਂ , ਵਿਹਾਰ ਤੇ ਬੋਲਚਾਲ ਵਿੱਚ ਅਸ਼ਲੀਲਤਾ ਹੈ ਤਾਂ ਇਸ 'ਤੇ ਗੰਭੀਰ ਵਿਚਾਰ ਕਰਨਾ ਚਾਹੀਦਾ ਹੈ । ਅਜਿਹੇ ਬੋਲਾਂ ਤੇ ਵਿਹਾਰ ਨੂੰ ਹਾਸੇ ਦੀ ਭੇਟ ਚੜ੍ਹਾ ਦੇਣਾ ਮੇਰੀ ਨਜ਼ਰ ਵਿੱਚ ਬਿੱਲਕੁਲ ਠੀਕ ਨਹੀਂ।ਸੋ ਮੇਰੀ ਹੱਥ ਜੋੜ ਕੇ ਸਾਰੇ ਸਰਕਾਰੀ ਅਦਾਰਿਆਂ , ਸਾਰੀਆਂ ਸਾਹਿਤਕ ਜਥੇਬੰਦੀਆਂ,ਸਾਹਿਤ ਸਭਾਵਾਂ ਨੂੰ ਬੇਨਤੀ ਹੈ ਕਿ ਇਸ ਪੰਛੀ ਨੂੰ ਸਮਾਗਮਾਂ ਵਿੱਚ ਸ਼ਾਮਲ ਕਰਨ ਤੋਂ ਗੁਰੇਜ਼ ਕਰੋ ।ਬਥੇਰਾ ਉੱਡ ਲਿਆ ਹੈ ਇਸ ਪੰਛੀ ਨੇ ।ਜਿਸ ਨੂੰ ਆਪਣੀਆਂ ਪੋਤੀਆਂ-ਦੋਹਤੀਆਂ ਤੇ ਧੀਆਂ ਦੀ ਉਮਰ ਦੀਆਂ ਔਰਤਾਂ , ਆਪਣੀਆਂ ਬੀਵੀਆਂ ਨਜ਼ਰ ਆਉਣ,ਉਸ ਨੂੰ ਹੁਣ ਉੱਡਣ ਤੋਂ ਰੋਕਣਾ ਚਾਹੀਦਾ ਹੈ ।ਇਹ ਵਿਚਾਰ ਮੈਂ ਉਸ ਦਿਨ ਮੰਚ 'ਤੇ ਹੋਏ ਹੰਗਾਮੇ ਬਾਰੇ ਬੜੇ ਠਰੰਮੇ ਨਾਲ 2/3 ਦਿਨ ਸੋਚ -ਵਿਚਾਰ ਕਰਨ ਤੋਂ ਬਾਅਦ ਆਪ ਜੀ ਨਾਲ ਸਾਂਝੇ ਕਰ ਰਿਹਾ ਹਾਂ ਜੀ ।ਆਸ ਕਰਦਾ ਹਾਂ, ਜ਼ਿੰਮੇਵਾਰ ਸੱਜਣ ਮੇਰੀ ਬੇਨਤੀ ਵੱਲ ਧਿਆਨ ਕਰਕੇ ਉੱਚਿਤ ਫੈਸਲਾ ਲੈਣਗੇ ।

ਗੁਰਚਰਨ ਸਿੰਘ ' ਪੱਬਾਰਾਲੀ ' ਪਟਿਆਲਾ ।

' ਉਡੀਕ ' 41 ਗੁਰਮਤਿ ਕਲੋਨੀ

ਪਟਿਆਲਾ।

ਮੋਬਾਈਲ  9530583078

ਸਰਦਾਰ ਪੰਛੀ ਨੂੰ ਬੇਸ਼ਰਮ ਕਿਰਾ ਦਰਸ਼ਨ ਬੁੱਟਰ ਨੇ

ਸ਼੍ਰੋਮਣੀ ਕਵੀ ਦਰਸ਼ਨ ਬੁੱਟਰ ਨੇ ਕਿਹਾ ਬੜਾ ਬੇਸ਼ਰਮ ਬੰਦਾ। ਐਨੀ ਅਕਲ ਤਾਂ ਪੰਛੀਆਂ ਨੂੰ ਵੀ ਹੈ, ਇਹ ਤਾਂ ਜਾਨਵਰ ਪੰਛੀਆਂ ਤੋਂ ਵੀ ਗਿਆ ਗੁਜ਼ਰਿਆ। ਅਸਲ ਵਿੱਚ ਤਾਂ ਇਹ ਘਟੀਆ ਕਿਸਮ ਦਾ ਬੰਦਾ ਕਵੀ ਕਹਾਉਣ ਦੇ ਵੀ ਲਾਇਕ ਨਹੀਂ।