ਲੋਕ ਖੇਡ ਮੇਲਾ ਬਣ ਗਿਆ ਹੈ ‘ਟੌਹੜਾ ਕਬੱਡੀ ਕੱਪ’ ਟੂਰਨਾਮੈਂਟ

'ਟੌਹੜਾ ਕਬੱਡੀ ਕੱਪ' ਖੇਡਾਂ ਵਿਚ ਪਾ ਰਿਹਾ ਹੈ ਅਜ਼ੀਮ ਪੈੜਾਂ : ਗੋਬਿੰਦ ਸਿੰਘ ਲੌਂਗੋਵਾਲ

ਟੌਹੜਾ ਕਬੱਡੀ ਕੱਪ ਦਾ ਪਹਿਲਾ ਇਕ ਲੱਖ ਦਾ ਇਨਾਮ ਜਿੱਤਿਆ ਧਨੌਲਾ ਟੀਮ ਨੇ

ਪਟਿਆਲਾ : ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ ਨੇ ਕਿਹਾ ਹੈ ਕਿ ਪੰਥ ਰਤਨ ਜਥੇ. ਗੁਰਚਰਨ ਸਿੰਘ ਟੌਹੜਾ ਦੀ ਯਾਦ ਵਿਚ ਹੁੰਦਾ 'ਟੌਹੜਾ ਕਬੱਡੀ ਕੱਪ' ਖੇਡਾਂ ਵਿਚ ਅਜ਼ੀਮ ਪੈੜਾ ਪਾਉਂਦਾ ਹੋਇਆ ਨੌਜਵਾਨਾ ਨੂੰ ਨਸ਼ਿਆਂ ਦੀ ਅਲਾਮਤ ਤੋਂ ਦੂਰ ਕਰ ਰਿਹਾ ਹੈ, ਇਹ ਸਾਡੇ ਲਈ ਮਾਣ ਦੀ ਗੱਲ ਹੈ ਕਿ ਪੰਜਾਬ ਦਾ ਮਾਣ ਮੰਨੀ ਜਾਂਦੀ ਕਬੱਡੀ ਨੂੰ ਜਥੇਦਾਰ ਗੁਰਚਰਨ ਸਿੰਘ ਟੌਹੜਾ ਚੈਰੀਟੇਬਲ ਟਰੱਸਟ ਉਤਸ਼ਾਹਿਤ ਕਰ ਰਿਹਾ ਹੈ। ਭਾਈ ਲੌਂਗੋਵਾਲ ਪਿੰਡ ਟੌਹੜਾ ਵਿਚ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਕਰਾਏ ਗਏ ਜਥੇਦਾਰ ਗੁਰਚਰਨ ਸਿੰਘ ਟੌਹੜਾ ਦੀ ਯਾਦ ਵਿਚ 11ਵੇਂ ਟੌਹੜਾ ਕਬੱਡੀ ਕੱਪ ਦੇ ਉਦਘਾਟਨੀ ਸਮਾਰੋਹ ਵਿਚ ਪੁੱਜੇ ਹੋਏ ਸਨ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਸਤਵਿੰਦਰ ਸਿੰਘ ਟੌਹੜਾ ਵੱਲੋਂ ਇਹ ਕਾਰਜ ਕਰਨਾ ਸਾਡੇ ਲਈ ਮਾਣ ਵਾਲੀ ਗੱਲ ਹੈ। 

ਕਬੱਡੀ ਕੱਪ ਦੇ ਇਨਾਮ ਵੰਡ ਸਮਾਰੋਹ ਵਿਚ ਪੰਜਾਬ ਦੇ ਸਾਬਕਾ ਉਪ ਮੁੱਖ ਮੰਤਰੀ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਮੀਡੀਆ ਸਲਾਹਕਾਰ ਜੰਗਬੀਰ ਨੇ ਸ਼ਮੂਲੀਅਤ ਕਰਦਿਆਂ ਕਿਹਾ ਕਿ ਕਬੱਡੀ ਕੱਪ ਕਰਾਉਣੇ ਸ਼੍ਰੋਮਣੀ ਅਕਾਲੀ ਦਲ ਦੀ ਸਰਕਾਰ ਵੇਲੇ ਸ਼ੁਰੂ ਕੀਤੇ ਗਏ ਸੀ ਪਰ ਮੌਜੂਦਾ ਸਰਕਾਰ ਜਦੋਂ ਕਬੱਡੀ ਕੱਪ ਕਰਾਉਣ ਤੋਂ ਭੱਜ ਚੁੱਕੀ ਹੈ ਤਾਂ ਅਜਿਹੇ ਕਲੱਬਾਂ ਤੇ ਟਰੱਸਟਾਂ ਨੇ ਕਬੱਡੀ ਖੇਡ ਨੂੰ ਬੁਲੰਦੀਆਂ ਤੇ ਪਹੁੰਚਾਉਣ ਲਈ ਇਹ ਰਵਾਇਤ ਜਿੰਦਾ ਰੱਖੀ ਹੈ। 

ਇਹ ਕਬੱਡੀ ਕੱਪ ਧਨੌਲਾ ਦੀ ਕਬੱਡੀ ਟੀਮ ਨੇ ਜਿੱਤ ਕੇ ਪਹਿਲਾ ਸਥਾਨ ਹਾਸਲ ਕਰਦਿਆਂ ਇਕ ਲੱਖ ਰੁਪਏ ਜਿੱਤੇ ਹਨ

ਜਦ ਕਿ ਦੂਜਾ ਇਨਾਮ ਸ਼ਾਂਧਰਾਂ (ਹੁਸ਼ਿਆਰਪੁਰ) ਨੇ ਜਿੱਤ ਕੇ 75 ਹਜਾਰ ਰੁਪਏ ਹਾਸਲ ਕੀਤੇ। ਬੈੱਸਟ ਰੇਡਰ ਕਾਲਾ ਧਨੌਲਾ ਤੇ ਬੈੱਸਟ ਜਾਫੀ ਇੰਦਰਜੀਤ ਕਲਸੀਆਂ ਨੇ ਹਾਸਲ ਕਰਕੇ 21-21 ਹਜਾਰ ਰੁਪਏ ਜਿੱਤੇ। ਟੌਹੜਾ ਕਬੱਡੀ ਦੇ ਇਸ ਟੂਰਨਾਮੈਂਟ ਵਿਚ ਇਕ ਪਿੰਡ ਓਪਨ ਦੀਆਂ ਦੇਸ਼ਾਂ ਵਿਦੇਸ਼ਾਂ ਵਿਚੋਂ 46 ਟੀਮਾਂ ਨੇ ਭਾਗ ਲਿਆ। 75 ਕਿੱਲੋ ਵਜ਼ਨੀ ਕਬੱਡੀ ਵਿਚ ਜੀਂਦ (ਹਰਿਆਣਾ) ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਅਤੇ ਦੂਜੇ ਨੰਬਰ ਤੇ ਭਾਦਸੋਂ (ਪੰਜਾਬ) ਦੀ ਟੀਮ ਰਹੀ। ਇਨਾਮ ਵੰਡ ਸਮਾਰੋਹ ਵਿਚ ਅਕਾਲੀ ਆਗੂ ਸੁਰਜੀਤ ਸਿੰਘ ਰੱਖੜਾ, ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ, ਸਤਵੀਰ ਸਿੰਘ ਖੱਟੜਾ, ਕਬੀਰ ਦਾਸ, ਹਰੀ ਸਿੰਘ ਪ੍ਰੀਤ ਕੰਬਾਈਨ, ਦੀਦਾਰ ਸਿੰਘ ਭੱਟੀ, ਅਮਰਿੰਦਰ ਸਿੰਘ ਲਿਬੜਾ, ਸੰਤ ਬਾਬਾ ਰੌਸ਼ਨ ਸਿੰਘ ਧਬਲਾਨ, ਸੰਤ ਬਾਬਾ ਪਰਮਜੀਤ ਸਿੰਘ ਹੰਸਾਲੀ, ਸਰਬਤ ਦਾ ਭਲਾ ਟਰੱਸਟ ਵੱਲੋਂ ਸ੍ਰੀ ਗਰੇਵਾਲ, ਪ੍ਰਿੰ. ਨਿਰਪਿੰਦਰ ਸਿੰਘ ਢਿੱਲੋਂ, ਬਘੇਲ ਸਿੰਘ ਜਾਤੀਵਾਲ, ਬਲਕਾਰ ਸਿੰਘ ਬਾਰਨ ਪੀਏ ਭੁੰਦੜ ਸਾਹਿਬ, ਜੀਤ ਸਿੰਘ ਜ਼ੀਰਕਪੁਰ, ਅਮਰਜੀਤ ਸਿੰਘ ਗੱਗੀ ਚਹਿਲ, ਮਲਕੀਤ ਸਿੰਘ ਟਿਵਾਣਾ, ਮੱਖਣ ਸਿੰਘ ਲਾਲਕਾ, ਜਸਤੇਜ ਸਿੰਘ ਟਿਵਾਣਾ ਐਕਸੀਅਨ, ਮਨਜੀਤ ਸਿੰਘ ਟਿਵਾਣਾ ਜੇਲ ਸੁਪਰਡੰਟ, ਲਖਬੀਰ ਸਿੰਘ ਲੌਟ ਤੇ ਬਲਜਿੰਦਰ ਸਿੰਘ ਬੱਬੂ ਹਾਜ਼ਰ ਰਹੇ।

ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਜਰਮਨ ਤੋਂ ਪੁੱਜੇ ਟੌਹੜਾ ਕਬੱਡੀ ਕੱਪ ਦੇ ਯੂਰਪ ਯੂਨਿਟ ਦੇ ਪ੍ਰਧਾਨ ਇਕਬਾਲ ਸਿੰਘ ਟਿਵਾਣਾ ਨੇ ਕਬੱਡੀ ਕੱਪ ਦਾ ਪਹਿਲਾ ਇਨਾਮ (ਇਕ ਲੱਖ ਰੁਪਏ) ਸਪਾਂਸਰ ਕੀਤਾ। ਟੌਹੜਾ ਕਬੱਡੀ ਕੱਪ ਦੇ ਸਰਪ੍ਰਸਤ ਜਰਨੈਲ ਸਿੰਘ ਅਕਾਲਗੜ੍ਹ ਯੂਐਸਏ ਅਤੇ ਵਿਦੇਸ਼ੀ ਯੂਨਿਟਾਂ ਸਤਵਿੰਦਰ ਸਿੰਘ ਸ਼ੇਰਗਿੱਲ ਪ੍ਰਧਾਨ ਯੂ ਕੇ, ਰੁਪਿੰਦਰ ਸਿੰਘ ਗਿੱਲ ਪ੍ਰਧਾਨ ਤੇ ਜਗਵਿੰਦਰ ਸਿੰਘ ਸ਼ੇਰਗਿੱਲ ਸੀਨੀਅਰ ਮੀਤ ਪ੍ਰਧਾਨ ਕੈਨੇਡਾ ਯੂਨਿਟ, ਸੁਖਵਿੰਦਰ ਸਿੰਘ ਦੁਲੱਦੀ ਪ੍ਰਧਾਨ ਯੂਐਸਏ ਯੂਨਿਟ, ਫਤਿਹ ਸਿੰਘ ਮਾਨ ਪ੍ਰਧਾਨ ਆਸਟ੍ਰੇਲੀਆ ਯੂਨਿਟ, ਅਰਪਨਦੀਪ ਸਿੰਘ ਪ੍ਰਧਾਨ ਨਿਊਜ਼ੀਲੈਂਡ ਯੂਨਿਟ ਅਤੇ ਜਸਪ੍ਰੀਤ ਸਿੰਘ ਪ੍ਰਧਾਨ ਇਟਲੀ ਯੂਨਿਟ ਅਤੇ ਉਨ੍ਹਾਂ ਦੇ ਸਾਥੀਆਂ ਦਾ ਅਹਿਮ ਯੋਗਦਾਨ ਰਿਹਾ। ਇਸ ਮੌਕੇ ਟੌਹੜਾ ਕਬੱਡੀ ਕੱਪ ਦੇ ਪ੍ਰਧਾਨ ਦਰਸ਼ਨ ਸਿੰਘ ਖੋਖ,ਸੀ. ਮੀ. ਪ੍ਰਧਾਨ ਸੁੱਖੀ ਇਛੇਵਾਲ, ਜਨਰਲ ਸਕੱਤਰ ਗੁਰਕੀਰਤ ਸਿੰਘ ਕਾਲਸਣਾ, ਕੈਸ਼ੀਅਰ ਲਖਵਿੰਦਰ ਸਿੰਘ ਖੱਟੜਾ, ਗੁਰਿੰਦਰ ਸਿੰਘ ਗੁਰੀ ਨਲੀਨਾ ਮੀਤ ਪ੍ਰਧਾਨ, ਮੀਤ ਪ੍ਰਧਾਨ ਪ੍ਰੀਤ ਬਤਰਾ, ਜਥੇਬੰਦਕ ਸਕੱਤਰ ਦਲੇਰ ਸਿੰਘ ਬੋਪਾਰਾਏ, ਬਿਕਰ ਸਿੰਘ ਸਹੌਲੀ, ਮਹਿੰਗਾ ਸਿੰਘ ਭੜੀ, ਗੁਰਜੀਤ ਸਿੰਘ ਚੌਧਰੀ ਮਾਜਰਾ, ਮਾਸਟਰ ਜਸਪਾਲ ਸਿੰਘ ਧਾਰੋਂਕੀ, ਦਲਜੀਤ ਸਿੰਘ ਸੰਧੂ, ਬਚਿੱਤਰ ਸਿੰਘ ਬੋਪਾਰਾਏ, ਸੁਰਿੰਦਰ ਸਿੰਘ ਜਿੰਦਲਪੁਰ, ਜਗਜੀਤ ਸਿੰਘ ਜਾਤੀਵਾਲ, ਸ਼ਰਨਜੀਤ ਸਿੰਘ ਰਜਵਾੜਾ, ਬਲਜਿੰਦਰ ਸਿੰਘ ਸਰਪੰਚ ਟੌਹੜਾ, ਹਰਭਜਨ ਸਿੰਘ ਟੌਹੜਾ, ਮਾਸਟਰ ਸੁਖਜਿੰਦਰ ਸਿੰਘ, ਰਾਜਿੰਦਰ ਸਿੰਘ ਮੈਨੇਜਰ, ਜਗਜੀਤ ਸਿੰਘ ਧੂਰੀ, ਸੁਖਜਿੰਦਰ ਸਿੰਘ ਟੌਹੜਾ, ਜਸਵੰਤ ਸਿੰਘ ਅਕੌਤ, ਜਗਤਾਰ ਸਿੰਘ ਬੌਬੀ ਮਾਜਰੀ ਅਕਾਲੀਆਂ,  ਸੰਤ ਸਿੰਘ ਟੌਹੜਾ, ਮਨਮੋਹਨ ਸਿੰਘ ਟੌਹੜਾ, ਬਾਬਾ ਸੁਰਜੀਤ ਸਿੰਘ, ਦਵਿੰਦਰ ਸ਼ਰਮਾ ਆਦਿ ਹਾਜ਼ਰ ਸਨ। ਇਸ ਕਬੱਡੀ ਕੱਪ ਨੂੰ ਸਫਲ ਬਣਾਉਣ ਲਈ ਕਬੱਡੀ ਖਿਡਾਰੀ ਬਬਲੀ ਨਾਭਾ, ਕਾਕਾ ਘਣੀਵਾਲ, ਸੋਨੀ ਘਣੀਵਾਲ ਤੇ ਨੰਨੀ ਕੋਚ ਦਾ ਵੱਡਾ ਯੋਗਦਾਨ ਰਿਹਾ। ਕਮੈਂਟਰੀ ਦੀ ਸੇਵਾ ਸਤਪਾਲ ਖਡਿਆਲ, ਸੰਧੂ ਬ੍ਰਦਰਜ਼ ਤੇ ਕੁਲਬੀਰ ਥੂਹੀ ਨੇ ਨਿਭਾਈ। 

ਸਪੈਸ਼ਲ ਬੱਚਿਆਂ ਦੀਆਂ ਖੇਡਾਂ ਰਹੀਆਂ ਵਿਸ਼ੇਸ਼ ਆਕਰਸ਼ਨ

ਟੌਹੜਾ ਕੱਬਡੀ ਕੱਪ ਵਿਚ ਪਹਿਲੇ ਦਿਨ ਸਪੈਸ਼ਲ ਬੱਚਿਆਂ ਦੀਆਂ ਖੇਡਾਂ ਵਿਸ਼ੇਸ਼ ਆਕਰਸ਼ਨ ਰਹੀਆਂ, ਜਿਸ ਵਿੱਚ ਬਹੁਤ ਸਾਰੇ ਬੱਚਿਆਂ ਨੇ ਭਾਗ ਲਿਆ. ਟੂਰਨਾਮੈਂਟ ਵਿਚ ਵਿਸ਼ੇਸ਼ ਆਕਰਸ਼ਣ ਬਣੀਆਂ ਸਪੈਸ਼ਲ ਬੱਚਿਆਂ ਦੀਆਂ ਖੇਡਾਂ ਵਿਚ ਭਾਗ ਲੈਣ ਲਈ ਆਏ ਹਰੇਕ ਸਪੈਸ਼ਲ ਬੱਚੇ ਲਈ 650 ਟੀ ਸ਼ਰਟਾਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਦਿੱਤੀਆਂ ਗਈਆਂ ਜਦ ਕਿ 650 ਬੂਟਾਂ ਦੇ ਜੋੜੇ ਟਿਵਾਣਾ ਸੌਲਵੈਕਸ ਖਰੋੜੀ ਨੇ ਦਿੱਤੇ ਅਤੇ ਪਿੰਡ ਟੌਹੜਾ ਦੇ ਵਿਕਾਸ ਲਈ ਬਲਕਾਰ ਸਿੰਘ ਬਾਰਨ ਪੀਏ ਮੈਂਬਰ ਰਾਜ ਸਭਾ ਸ. ਬਲਵਿੰਦਰ ਸਿੰਘ ਭੁੰਦੜ ਦੇ ਅਖਤਿਆਰੀ ਕੋਟੇ ਵਿਚੋਂ ਪੰਜ ਲੱਖ ਰੁਪਏ ਦੇਣ ਦਾ ਐਲਾਨ ਕੀਤਾ।