Monday, August 14, 2017

ਨਵੇਂ ਵੀਸੀ ਡਾ. ਘੁੰਮਣ ਦਾ ਅਹੁਦਾ ਸੰਭਾਲਣ ਦਾ ਤਰੀਕਾ ਕਈ ਸੰਕੇਤ ਦੇ ਗਿਆ

ਚਲਾਕ ਮਾਨਸਿਕਤਾ ਦੇ ਅਧਿਆਪਕਾਂ ਤੋਂ ਬਚਣ ਦੀ ਲੋੜ ਹੈ ਡਾ. ਘੁੰਮਣ ਨੂੰ
ਗੁਰਨਾਮ ਸਿੰਘ ਅਕੀਦਾ
(ਟਿੱਪਣੀ...)
ਹੁਣ ਤੱਕ ਇਕ ਗੱਲ ਤਾਂ ਸਾਫ਼ ਹੋ ਗਈ ਹੈ ਕਿ ਪੰਜਾਬੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਬੀਐੱਸ ਘੁੰਮਣ ਚਲਾਕ ਅਧਿਆਪਕ ਗਰੁੱਪਾਂ ਨੂੰ ਮੂੰਹ ਨਹੀਂ ਲਾਉਣਗੇ, ਇਹ ਉਸ ਵੇਲੇ ਸਾਫ਼ ਹੋ ਗਿਆ ਜਦੋਂ ਉਨ੍ਹਾਂ ਕੱਲ੍ਹ 14 ਅਗਸਤ ਨੂੰ ਆਪਣਾ ਵਾਈਸ ਚਾਂਸਲਰ ਦਾ ਅਹੁਦਾ ਸੰਭਾਲਣ ਵੇਲੇ ਕੋਈ ਤਾਮ-ਝਾਮ ਨਹੀਂ ਕੀਤਾ ਨਾ ਹੀ ਉਨ੍ਹਾਂ ਨੇ ਕੋਈ ਅਧਿਆਪਕ ਗਰੁੱਪਾਂ ਨੂੰ ਹੀ ਤਰਜੀਹ ਦਿੱਤੀ, ਇਹ ਚੰਗਾ ਸੰਕੇਤ ਹੈ, ਨਹੀਂ ਤਾਂ ਜਦੋਂ ਡਾ. ਜਸਪਾਲ ਸਿੰਘ ਹੋਰਾਂ ਨੇ ਜਦੋਂ ਵੀਸੀ ਦਾ ਅਹੁਦਾ ਸੰਭਾਲਿਆ ਸੀ ਤਾਂ ਅਕਾਲੀ ਦਲ ਦੇ ਜਥੇਦਾਰਾਂ ਨੇ ਯੂਨੀਵਰਸਿਟੀ ਦੇ ਗੇਟ ਤੋਂ ਲੈਕੇ ਵੀਸੀ ਦਫ਼ਤਰ ਤੱਕ ਸੜਕ ਵੀ ਨੀਵੀਂ ਕਰ ਦਿੱਤੀ ਸੀ ਤੇ ਅਧਿਆਪਕਾਂ ਦੀ ਤਾਂ ਗੱਲ ਹੀ ਨਾ ਪੁੱਛੋ।
    ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਅਧਿਆਪਕਾਂ ਦਾ ਇਹ ਕਿਰਦਾਰ ਰਿਹਾ ਹੈ ਕਿ ਜਿਹੋ ਜਿਹਾ ਵਾਈਸ ਚਾਂਸਲਰ ਇੱਥੇ ਆਉਂਦਾ ਹੈ ਉਸੇ ਦੇ ਰੰਗ ਵਿਚ ਰੰਗ ਜਾਂਦੇ ਹਨ, ਇਕ ਵਾਈਸ ਚਾਂਸਲਰ ਅਜਿਹਾ ਇੱਥੇ ਆਇਆ ਜੋ ਕੁੱਤਿਆਂ ਬਿੱਲੀਆਂ ਨੂੰ ਪਿਆਰ ਕਰਦਾ ਸੀ ਤਾਂ ਕਈ ਅਧਿਆਪਕ ਜੋ ਬੰਦਿਆਂ ਨੂੰ ਵੀ ਪਿਆਰ ਨਹੀਂ ਕਰਦੇ ਉਨ੍ਹਾਂ ਨੇ ਕੁੱਤਿਆਂ ਨੂੰ ਪਿਆਰ ਕਰਨਾ ਸ਼ੁਰੂ ਕਰ ਦਿੱਤਾ ਸੀ, ਪਿਛਲੇ ਸਮੇਂ ਦੌਰਾਨ ਇੱਥੇ ਇਕ ਰਾਧਾ ਸੁਆਮੀ ਵੀਸੀ ਆ ਗਏ ਸਨ ਤਾਂ ਅਧਿਆਪਕਾਂ ਨੇ ਕਾਰਾਂ ਦੀਆਂ ਮੁਹਾਰਾਂ ਰਾਧਾ ਸੁਆਮੀ ਡੇਰੇ ਵੱਲ ਮੋੜ ਲਈਆਂ ਸਨ, ਕੁੱਝ ਸਮਾਂ ਪਹਿਲਾਂ ਇੱਥੇ ਇਕ ਕਾਮਰੇਡ ਵੀਸੀ ਆ ਗਏ ਸਨ ਤਾਂ ਕੱਟੜ ਸਿੱਖਾਂ ਨੇ ਵੀ ਕਾਮਰੇਡੀ ਭਾਸ਼ਾ ਬੋਲਣੀ ਸ਼ੁਰੂ ਕਰ ਦਿੱਤੀ ਸੀ, ਉਸ ਤੋਂ ਬਾਅਦ ਇੱਥੇ 'ਰੱਬ ਦਾ ਬੰਦਾ' ਵੀਸੀ ਆ ਗਿਆ ਸੀ ਤਾਂ ਉਸ ਦੇ ਦਫ਼ਤਰ ਤੇ ਬਾਹਰ ਲੱਗੇ ਤਿੰਨ ਬਲਬਾਂ ਨੇ ਸਾਰਾ ਕੁੱਝ ਹੀ ਜੱਗ ਜ਼ਾਹਿਰ ਕਰ ਦਿੱਤਾ ਸੀ, ਜੇਕਰ ਇਕ ਕੁੜੀ ਇੱਥੇ ਨਾ ਜਾਗਦੀ ਤਾਂ ਉਸ ਨੇ ਢਕੇ ਢਕਾਏ ਹੀ ਚਲੇ ਜਾਣਾ ਸੀ, ਉਹ ਤਾਂ ਆਪਣੀ ਪ੍ਰਯੋਗਵਾਦੀ ਕਵਿਤਾ ਵਿਚ ਇੱਥੋਂ ਤੱਕ ਲਿਖਦੇ ਸਨ ਕਿ
'ਮੈਨੂੰ ਮਨਜ਼ੂਰ ਹੋਵੇਗਾ ਜੇਕਰ ਵਰਤ ਲਵੇ ਕੋਈ ਮੇਰੀ ਔਰਤ,
ਪਰ ਨਹੀਂ ਮਨਜ਼ੂਰ ਹੋਵੇਗਾ, ਜੇਕਰ ਕੋਈ ਵਰਤੇ ਮੇਰਾ ਬਿਨਾਕਾ ਟੁੱਥ ਪੇਸਟ'
 ਪਿੱਛੇ ਜਿਹੇ ਇੱਥੇ ਬੜੇ ਸ਼ੌਕੀਨ ਕਿਸਮ ਦੇ ਵਾਈਸ ਚਾਂਸਲਰ ਆ ਗਏ ਸਨ ਤਾਂ ਔਰਤ ਅਧਿਆਪਕਾਂ ਨੇ ਉਨ੍ਹਾਂ ਦੀਆਂ ਸ਼ਾਮ ਦੀਆਂ ਮਹਿਫ਼ਲਾਂ ਵਿਚ ਜਾ ਕੇ ਸ਼ਰਾਬ ਤੱਕ ਵਰਤਾਉਣਾ ਸ਼ੁਰੂ ਕਰ ਦਿੱਤਾ ਸੀ, ਇੱਥੋਂ ਤੱਕ ਕਿ ਕੁੱਝ ਅਧਿਆਪਕ ਔਰਤਾਂ ਨੇ ਤਾਂ ਉਸ ਵੀਸੀ ਦੀ ਮਹਿਫ਼ਲ ਵਿਚ ਨੱਚਣਾ ਵੀ ਸ਼ੁਰੂ ਕਰ ਦਿੱਤਾ ਸੀ, ਇਹ ਜੱਗ ਜ਼ਾਹਿਰ ਗੁਪਤ ਸਚਾਈ ਹੈ। ਪਿਛਲੇ ਸਮੇਂ ਵਿਚ ਇਕ ਵੀਸੀ ਅਜਿਹੇ ਆਏ ਸਨ ਜਿਨ੍ਹਾਂ ਦਾ ਫ਼ੈਸ਼ਨ ਇਕ ਨਵੇਂ ਤਰ੍ਹਾਂ ਦਾ ਕਟਵੇਂ ਚਾਕਾਂ ਵਾਲਾ ਕੁੜਤਾ ਪਾਉਣ ਦਾ ਸੁਭਾਅ ਸੀ, ਆਮ ਤੌਰ ਤੇ ਕੁੱਝ ਲੋਕਾਂ ਦਾ ਆਪਣਾ ਹੀ ਸੁਭਾਅ ਹੁੰਦਾ ਹੈ ਤਾਂ ਪੰਜਾਬੀ ਯੂਨੀਵਰਸਿਟੀ ਦੇ ਕਾਫੀ ਅਧਿਆਪਕਾਂ ਨੇ ਉਹ ਕਟਵੇਂ ਚਾਕ ਵਾਲਾ ਕੁੜਤਾ ਪਾਉਣਾ ਸ਼ੁਰੂ ਕਰ ਦਿੱਤਾ ਸੀ, ਹੋਰ ਤਾਂ ਹੋਰ ਕੁੱਝ ਕਾਮਰੇਡ ਅਧਿਆਪਕਾਂ ਨੇ ਪਗੜੀਆਂ ਸਜਾ ਲਈਆਂ ਸਨ ਤੇ ਦਾੜ੍ਹੀਆਂ ਰੱਖ ਲਈਆਂ ਸਨ ਕਿਉਂਕਿ ਉਹ ਸਿੱਖ ਵਿਦਵਾਨ ਸੀ ਤੇ ਅਕਾਲੀ ਦਲ ਦੇ ਨੇੜੇ ਸੀ ਤੇ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਪ੍ਰਣਾਏ ਹੋਏ ਸਨ। ਕੱਲ੍ਹ 14 ਅਗਸਤ ਨੂੰ ਨਵੇਂ ਵਾਈਸ ਚਾਂਸਲਰ ਡਾ. ਬੀਐਸ ਘੁੰਮਣ ਨੇ ਪੰਜਾਬੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਦਾ ਅਹੁਦਾ ਸੰਭਾਲਿਆ ਹੈ। ਉਨ੍ਹਾਂ ਨੇ ਕੋਈ ਮੀਡੀਆ ਵਾਲਾ ਨਹੀਂ ਸੱਦਿਆ, ਨਾ ਹੀ ਕੋਈ ਕਾਂਗਰਸੀ ਵਿਧਾਇਕ ਜਾਂ ਮੰਤਰੀ ਇੱਥੇ ਆਇਆ ਨਾ ਹੀ ਕੋਈ ਅਧਿਆਪਕ ਜਥੇਬੰਦੀ ਦਾ ਹੀ ਆਗੂ ਇੱਥੇ ਹਾਜ਼ਰ ਸੀ ਨਾ ਹੀ ਕੋਈ ਨਾਨ ਟੀਚਿੰਗ ਦਾ ਹੀ ਆਗੂ ਹਾਜ਼ਰ ਸੀ ਸਗੋਂ ਉਨ੍ਹਾਂ ਨੇ ਬਿਨਾਂ ਕੋਈ ਤੜਕ-ਭੜਕ ਤੋਂ ਆਪਣਾ ਅਹੁਦਾ ਆਪਣੇ ਵਾਈਸ ਚਾਂਸਲਰ ਦੇ ਅਮਲੇ ਦੀ ਮੌਜੂਦਗੀ ਵਿਚ ਸੰਭਾਲ ਲਿਆ, ਇਹ ਚੰਗਾ ਸੰਕੇਤ ਗਿਆ ਹੈ ਆਸ ਕੀਤੀ ਜਾ ਰਹੀ ਹੈ ਕਿ ਨਵੇਂ ਵਾਈਸ ਚਾਂਸਲਰ ਡਾ. ਘੁੰਮਣ ਯੂਨੀਵਰਸਿਟੀ ਨੂੰ ਆਪਣੇ ਤਰੀਕੇ ਨਾਲ ਹੀ ਚਲਾਉਣਗੇ, ਇਨ੍ਹਾਂ ਕੋਲ ਲੋਕ ਪ੍ਰਸ਼ਾਸਨ ਦਾ ਤਜਰਬਾ ਹੈ, ਇਨ੍ਹਾਂ ਕੋਲ ਆਰਥਿਕ ਮਾਹਿਰਤਾ ਹਾਸਲ ਹੈ। ਇਨ੍ਹਾਂ ਕੋਲ ਵਾਰਡਨ ਤੋਂ ਲੈਕੇ ਕਈ ਸਾਰੇ ਜਰਨਲਾਂ ਦੇ ਸੰਪਾਦਕ ਤੇ ਸੰਪਾਦਕੀ ਬੋਰਡ ਵਿਚ ਰਹਿਣ ਦਾ ਤਜਰਬਾ ਹਾਸਲ ਹੈ। 37 ਸਾਲ ਤੋਂ ਵੱਧ ਦਾ ਅਧਿਆਪਕ ਦਾ ਤਜਰਬਾ ਵੱਡੀ ਗੱਲ ਹੁੰਦੀ ਹੈ।

ਕਈ ਚੁਣੋਤੀਆਂ ਹਨ ਡਾ. ਘੁੰਮਣ ਦੇ ਅੱਗੇ

ਪੰਜਾਬੀ ਯੂਨੀਵਰਸਿਟੀ ਹੁਣ ਵਿੱਤੀ ਸੰਕਟ ਵਿਚ ਚਲ ਰਹੀ ਹੈ। ਯੂਨੀਵਰਸਿਟੀ ਕਰੀਬ 400 ਕਰੋੜ ਦੇ ਘਾਟੇ ਵਿਚ ਹੈ, ਯੂਨੀਵਰਸਿਟੀ ਦਾ ਖਾਤਾ ਖਾਲੀ ਹੀ ਡਾ. ਘੁੰਮਣ ਨੂੰ ਮਿਲਿਆ ਹੈ। ਦੋ ਚੇਅਰਾਂ ਨੂੰ ਛੱਡ ਕੇ ਬਾਕੀ ਦੀਆਂ ਚੇਅਰਾਂ ਦਾ ਬੁਰਾ ਹਾਲ ਹੈ। 53 ਦੇ ਕਰੀਬ ਵਿਭਾਗਾਂ ਵਿਚ ਦਾਖ਼ਲੇ ਬਹੁਤ ਘੱਟ ਹੋਏ ਹਨ। ਸੇਵਾ ਮੁਕਤ ਅਧਿਆਪਕਾਂ ਨੂੰ ਪੁਨਰ ਨਿਯੁਕਤ ਤੇ ਬਰਕਰਾਰ ਰੱਖਣਾ ਹੈ ਕਿ ਨਹੀਂ ਇਹ ਵੀ ਵੱਡੀ ਚੁਣੋਤੀ ਹੈ। ਕਾਰਜਕਾਰੀ ਵਾਈਸ ਚਾਂਸਲਰ ਅਨੁਰਾਗ ਵਰਮਾ ਨੇ ਅਧਿਆਪਕਾਂ ਦੇ ਹੱਥ ਵਿਚ ਹੀ ਕੁਹਾੜੇ ਫੜਾ ਕੇ ਪੜਤਾਲਾਂ ਕਰਾਈਆਂ ਸਨ, ਉਹ ਪੜਤਾਲਾਂ ਵੀ ਵਿੱਚੇ ਹੀ ਪਈਆਂ ਹਨ, ਕੀ ਉਨ੍ਹਾਂ ਪੜਤਾਲਾਂ ਦੇ ਕੋਈ ਕਾਰਵਾਈ ਹੋਵੇਗੀ ਬਾਰੇ ਵੀ ਵੱਡੀ ਚੁਣੋਤੀ ਵਾਈਸ ਚਾਂਸਲਰ ਡਾ. ਘੁੰਮਣ ਦੇ ਅੱਗੇ ਵਿਕਰਾਲ ਰੂਪ ਧਾਰ ਕੇ ਖੜੀ ਹੈ। ਇੰਜੀਨੀਅਰਿੰਗ ਕਾਲਜ ਜਾਂ ਇੰਜੀਨੀਅਰਿੰਗ ਵਿਭਾਗ ਵਿਚ ਦਾਖ਼ਲੇ ਬਹੁਤ ਘੱਟ ਹੋਏ ਹਨ ਤੇ ਅਧਿਆਪਕਾਂ ਦੀ ਭਰਤੀ ਬਹੁਤ ਜ਼ਿਆਦਾ ਕੀਤੀ ਹੈ, ਇਹ ਵੀ ਪ੍ਰੇਸ਼ਾਨੀ ਖੜੀ ਕਰਨ ਵਾਲੀ ਗੱਲ ਹੈ। ਇਸੇ ਤਰ੍ਹਾਂ ਕਈ ਵਿਭਾਗਾਂ ਵਿਚ ਅਧਿਆਪਕਾਂ ਦੀ ਮਨ ਮਰਜ਼ੀ ਤੇ ਅਜਾਰੇਦਾਰੀ ਬਣੀ ਹੋਈ ਹੈ, ਕਈ ਵਿਭਾਗਾਂ ਵਿਚ ਪੀ ਐੱਚਡੀ ਕਰਾਉਣ ਬਦਲੇ ਕੁੜੀਆਂ ਨੂੰ ਗਲਤ ਤਰੀਕੇ ਨਾਲ ਕੰਮ ਕਰਨ ਲਈ ਕਿਹਾ ਜਾਂਦਾ ਹੈ। ਇੱਥੇ ਪੀਐੱਚਡੀ ਰੁਪਏ ਦੇ ਕੇ ਕਰਾਉਣ ਦਾ ਵੀ ਮਾਮਲਾ ਸਾਹਮਣੇ ਆ ਚੁੱਕਿਆ ਹੈ। ਕਈ ਵਿਭਾਗਾਂ ਵਿਚ ਯੂਜੀਸੀ ਦੀ ਮਨਜ਼ੂਰੀ ਤੋਂ ਬਿਨਾਂ ਹੀ ਵਿਸ਼ੇ ਪੜਾਏ ਜਾ ਰਹੇ ਹਨ। ਅਜਿਹੇ ਹੋਰ ਬਹੁਤ ਸਾਰੇ ਮੁੱਦੇ ਹਨ ਜਿਨ੍ਹਾਂ ਨੂੰ ਸਹੀ ਕਰਨ ਲਈ ਨਵੇਂ ਵੀਸੀ ਨੂੰ ਕਾਫੀ ਸਮਝਦਾਰੀ ਨਾਲ ਕੰਮ ਕਰਨਾ ਪਵੇਗਾ। ਪਰ ਜੇਕਰ ਨਵੇਂ ਵਾਈਸ ਚਾਂਸਲਰ ਚਲਾਕ ਮਾਨਸਿਕਤਾ ਵਾਲੇ ਅਧਿਆਪਕਾਂ ਦੇ ਚੁੰਗਲ ਵਿਚ ਫਸ ਗਏ ਤਾਂ ਸਮਝੋ ਯੂਨੀਵਰਸਿਟੀ ਦਾ ਬੈਠਿਆ ਭੱਠਾ ਹੋਰ ਵੀ ਗ਼ਰਕ ਜਾਵੇਗਾ।

6 comments:

  1. ਸਭ ਕੁਝ ਓਦੋਂ ਤਾਰੀਂ ਹੀ ਚੰਗਾ ਰਹੇਗਾ ਜਦ ਤੱਕ ਵਿਕਾਸ ਦੀ ਗਤੀ ਦੇ ਿਭ੍ਰਸ਼ਟਾਚਾਰੀ ਯੂਨੀਵਰਸਿਟੀ ਦੀ ਜੁੰਡਲ਼ੀ ਦੀ ਖਰੀਦ ਫ਼ਰੋਖ਼ਤ ਤੋਂ ਸੰਸਥਾ ਨਹੀਂ ਬੱਚਦੀ। ਇੰਜੀਨੀਅਰ ਤੇ ਡਾਕਟਰੀ ਿੲਲਾਜ ਦਾ ਪੈਟਰਨ ਸਭ ਕੁਝ ਬਘਿਆੜ ਵਾਂਗ ਪੇਟ ਪਾ ਜਾਂਦਾ ਹੈ। ਬਾਕੀ ਕਾਰਜ-ਵਿਧੀ ਤਾਂ ਖੋਜ ਕਾਰਜ ਿਕਸ ਿਦਸ਼ਾ ਵੱਲ ਸੇਧਤ ਹੁੰਦੇ ਹਨ ਅਤੇ ਿਕਤਨੇ ਅਮਲੀ ਿਵਵਹਾਰਕ ਹੁੰਦੇ ਹਨ ਿੲਸ ਤੇ ਨਿਰਭਰ ਕਰੇਗਾ ।
    ਕਿਤਨੇ ਨਿਪੁੱਣ ਅਤੇ ਸਮਾਜ ਲਾੜੀ ਅਲਾਪਣੀ ਨਵੀਂ ਤੇ ਮੌਲਿਕ ਰਚਨਾਤਮਿਕ ਗੁਣਾਂ ਦੀ ਗੁਠਲੀ ਲੈ ਕੇ ਵਿਦਿਆਰਥੀ ਜਨਮ ਲੈ ਿਨਰਮਾਣ ਕਾਰੀ ਹੁਨਰ ਨਾਲ ਸਮਾਜ ਨੂੰ ਸਿੰਜਦੇ ਹਨ ਜਾਂ ਸਿਰਫ ਨੋਕਰਸ਼ਾਹ ਹਾਤੇ ਕਲਰਕ ਹੀ ਪੈਦਾ ਹੁੰਦੇ ਹਨ ? ਯੂਨੀਵਰਸਿਟੀ ਕਰੀ ਮੇਰੇ ਸਾਹਮਣੇ ਤਾਂ ਇਹੋ ਕਾਰਜ ਹੁੰਦਾ ਹੈ। ਜਿਸ ਵੁਚ ਹੲਲੇ ਪੰਜਾਬ ਸਿਫਰ ਤੇ ਹੂ।
    ਰੋਹੀ ਦੀ ਕਿੱਕਰ ਦੀ ਕੁਰਸੀ ਤੇ ਬੈਠਣ ਦੀ ਵਧਾਈ।

    ReplyDelete
  2. This comment has been removed by the author.

    ReplyDelete
  3. There is an urgent need to develop a professional approach in each and every department, be it teaching or non-teaching under the strict and personal watch of newly appointed Vice-Chancellor Dr BS Ghumman.He would have to and would be expected to work day and night. In the last decade, no effort is made to upgrade the academic atmosphere.No effort is made to compete with the private players. There is need to raise an advertisement cell to plan how to take the university's academic programmes to the public. Diversification of relavant courses in every department is an important key for survival . The same decade can be seen for the decline of university's regional campuses in the wake of total disregard of university authority towards these campuses which appear to be a planned and 0lanted one with the sole motive to close them one by. One. The faculty and staff working in these centres are not given fair treatment. Their opinion never weighted in important decisions. They were made to get the impression that only real Punjabi University is constituted by only Patiala main campus. The persons on reception duty did not acknowledge and accord respect to faculty from outside campuses (what to talk about employees in other positions) and usually made to wait till evenings in case they came from far off places for their issues. On the contrary, the counterparts from the main campuses were seen having free and u restricted access to any office being seen by the poor(made) fellows from neighbourhood campuses.
    There is an equal scope of improvement and growth of the university through such campuses also but it needs a due policy with due consideration on all aspects cited above.
    New Vice-Chancellor being a son of the soil and a self made persona is expected to succeed in writing his prestigious tenure in golden words in the history of Punjabi University Patiala.
    Lakhbir Sigh
    Asst Prof in Physics
    YCoE (Yadavindra College of Engineering)
    Punjabi University Guru Kashi Campus Talwandi Sabo

    ReplyDelete
  4. I have seen working of Prof.Ghuman over the years . I am sure he knows the job and will try his best.

    ReplyDelete
  5. ਉਮੀਦ ਕਰਦੇ ਹਾਂ ਘੁੰਮਣ ਸਾਹਿਬ ਵਧੀਆ ਕੱਮ ਕਰਨਗੇ

    ReplyDelete